Latest Posts

Media Section

Photo Gallery

Literature

Pamphlets

Showing posts with label Mohallawar Nizam. Show all posts
Showing posts with label Mohallawar Nizam. Show all posts

Tuesday, September 23, 2014

خاکسارتحریک کا محلہ وار نظام

خاکسارتحریک کے محلہ وار نظام کے تحت نئے شہروں میں خاکساروں کی جماعتوں کے قیام کے طریقے جس کو اپنا کر تھوڑے عرصے میں ایک طاقتور جماعت قائم کی جاسکتی ہے۔
خاکسارتحریک کا محلہ وار نظام ان ہوش مند اصحاب کے لئے ہے جو کسی نئے شہر یا قصبے میں خاکساروں کی جماعتوں کے قائم کرنے کا ارادہ رکھتے ہیں۔
مفصلہ ذیل ہدایات یہاں پر لکھ دی جاتی ہیں۔ ان پر حرف بحرف عمل کرنے سے کامیابی یقینی ہے۔

01.سب سے پہلا اور ضروری انتخاب محلہ کے سالار کا ہے جو نہایت مستقل مزاج پونا چاہیے وہ ایسا شخص ہو جو شام کے بعد تین چار گھنٹے بلا ناغہ فارغ ہو۔
02. جونہی ایسا شخص دستیاب ہو جائے اس کو ایک ہفتہ کے لئے تربیت کی غرض سے کسی ایسے مقام پر بھیجنا چاہیے ۔ جہاں حرکت عملاً چل رہی ہو۔ ٹریننگ کے بہترین مقام کے متعلق ادارہ علیہّ اچھرہ لاہور سے خط کتابت یا ای میل کرنی چاہیے لیکن مرکز تعلیم نزدیک نہ ہو تو خود تربیت حاصل کرنا کچھ مشکل نہیں۔
03. سالار محلہ اس کے اپنے محلہ میں پانچ سات آدمیوں کو اپنا ہم خیال بنائے اور اس سے کہے کہ خاکسار تحریک کی بیلچہ فوج تیار کرنے کا ارادہ ہے ایک درجن بیلچے بازار سے خریدے۔
04. ان تیاریوں کے بعد شام کے وقت محلہ کے کوئی صاف ستھری گلی یا میدان میں ان ہم خیال دوستوں کو بیلچہ کندھے پر رکھوا کر ایک لائن میں کھڑا کریدے لوگ اکٹھے ہو جائیں گے یا انہی ساتھیوں سمیت اپنے گھر یا کسی بھی ساتھی کے گھر یا بیٹھک پر ایک چھوٹی محلہ کی سطح پر کار نر میٹنگ رکھ لے ان میں اہل محلہ کے با علم، صاحب حیثیت اور پڑھے لکھے نوجوانوں کو مدعو کرے پھر ان سب  کو ملکی حالات سے آگاہی دے خاکسار تحریک کے مقاصد پر روشنی ڈال کر ہر ایک سے عاجزانہ درخواست کرے کے وہ اپنے نسلوں کی تحفظ، بھوک، ننگ، افلاس، تنگ دستی مہنگائی اور بیروزگاری کے خاتمے اور اسلام کی بہتری کی خاطر اس تحریک میں شامل ہو جائیں۔ خاکسار بننے کی شرائط اور دستور العمل کو پڑھ کر ان پر تحریک کے مقاصد واضح کرے ان کو بیلچہ دے تاکہ گھر لے جائیں ان کے نام اسی جگہ درج رجسٹر کرے۔ روزانہ حاضر ہونے کی تاکید کرے اور پہلے روز صرف آدھہ گھنٹہ کھڑا کر کے یا کچھ تھوڑا بہت مارچ کرا کے رخصت کر دے۔
05. اگلے دن پھر یہ عمل دوہرا کر ان سب ساتھیوں کو رخصت کر دے۔
06. اسی طرح آہستہ آہستہ وقت کو نصف گھنٹے سے بڑھاتے بڑھاتے ایک گھنٹے کرے پھر دو گھنٹہ کر دے۔
07. ایک مہینے کے عمل کے بعد نماز عشاء کو اکٹھا پڑھنا لازم کر دے لیکن نماز عشاء کے اکٹھے پڑھنے کا اعلان پہلے سے ہی کردے تاکہ لوگ نماز کے لئے ذہن بنالیں۔
08. جوں جوں جماعت مستقل ہوتی جائے  آہستہ  آہستہ  مارچنگ لمبا کرتا جائے۔  اب دوسرے محلوں میں بھی خاکساروں کی جماعت لے جائے اور ان کو اپنی سپاہیانہ قواعد دکھائے جائے تاکہ دوسرے لوگوں کو ترغیب  ہو اور وہ بھی ایک جماعت بنانے کی آرزو کریں۔
09. اسی طرح دوسرے محلہ میں بھی عمدہ سالار مقرر کیا جائے سالار خوب دیکھ بھال کر مقرر کئے جائیں۔ انتخاب محلہ والوں کا نہ اس فساد پیدا ہونے کا امکان ہے۔
10. جب دو جماعتیں ایک  بن جائیں تو روزانہ دونوں جماعتیں اکٹھی ہو کر تیسرے محلہ میں جائیں اور اعلیٰ ہذالقیاس اس طرح سلسلے کو بڑھائے جائے۔
11. ادارہ علیہّ اچھرہ لاہور کو جماعتوں کی تاسیس کی اطلاع اچھرہ لاہور کے پتہ سے دینی چائیے  یا   ای میل کے ذریعے یہ اطلاع بھیجی جا سکتی ہے جو کہ  khaksartehrik@yahoo.com ہے۔
12. عمدہ سالار وہ ہی بن سکتا ہے جس کی عمر پچیس برس سے زیادہ ہو۔ یہ ضروری نہیں کہ بہت پڑھا لکھا ہو لیکن چُست چالاک ہو، اُس کی آواز رعب دار ہونی چائیے۔ اس میں ظاہرا کوئی عیب نہ ہو، صاحب اثرہو، فارغ البال ہو، اپنا آپ کماتا ہو، کسی سے کچھ لینے یا مانگنے والا نہ ہو بلکہ خود اپنی جیب سے خاطر تواضع کرسکتاہو، اتنا دماغ رکھتا ہو کہ اپنی جماعت کے پچیس آدمیوں کو قابو میں رکھ سکے وغیرہ وغیرہ۔
13. چندہ جمع کرنا تحریک میں قطعاً اور حکم منع ہے اس لئے کوئی شخص کسی مد میں اس حرکت میں آکر چندہ جمع نہ کرے۔ یہ بات سالار پر واضح کر دینی چاہئے۔
14. اس حرکت میں بھی خصوصیت ہے کہ کوئی خاکسار کسی خاکسار سے کچھ کھاپی نہیں سکتا نہ کوئی سالار کسی سے کچھ کھا پی سکتا ہے۔ البتہ سالار اگر چاہے تو اپنی جیب سے خاکساروں کو حسبِ ضرورت کھلا پلا سکتا ہے لیکن اس کی کثرت ہرگز نہیں ہونی چاہئے علی ہذالقیاس سالار سالار سے عندالضرورت کھا سکتا ہے اور کھلا سکتا ہے لیکن سالارِ محلہ سے نہیں کھا سکتا گویا برابر کے افسر سے کھا سکتا ہے اور کھلا سکتا ہے لیکن اعلیٰ افسر ماتحت افسر سے کھا نہیں سکتا۔ خاکسار یا سالار کسی غیر خاکسار سے کچھ بھی کھا پی نہیں سکتا۔ عزیزوں سے اجازت ہے۔
15. ہر سالار محلہ کے پاس حاضری کا ایک چھوٹا سا باقاعدہ رجسٹر ہونا چاہئے جس پر روزانہ حاضری لگے یہ رجسٹر دستورالعمل میں بھی درج ہے۔
16. ٹائم کی پابندی لازمی امر ہے ورنہ نظام میں خلل ہوگا۔
17. غیر قوم کے اشخاص کو بشرطیکہ وہ علانیہ ایک خدا کے ہونے اور یوم قیامت پر ایمان لانے کا مجمع عام میں اقرار کریں اس حرکت میں بطور بھائی کے داخل کر لینا چاہیے۔ ان سے جماعت کا نہایت عمدہ خادمانہ سلوک ہو اور عام بر تاؤ فیاضانہ ہو۔ عشاء کی نماز کے وقت ان کو مہلت دینی چاہئے کہ وہ اپنے مذہب کے مطابق اپنی عبادت کرنا چاہے تو کر سکتا ہے۔ دوسری قوموں سے دلی محبت کرنا اور انتقامی جذبات کو نکال کر روحانی جذبات کا پیدا کرنا عین اسلام ہے۔
18. جمعہ کی رخصت ہے، اسلامی تہوار یعنی عیدالفطر (تین دن) عیدالضحیٰ (تین دن) شب برات (ایک دن) میلاد النبی ﷺ (ایک دن) کے سوا کوئی دوسری رخصت نہیں، بارش آندھی، طوفان وغیرہ کے دن حسب معمول سرگرمی لازم ہے۔
19. جماعت کی حاضری روزانہ لینا ہر سالار پر لازم ہے۔
20. وردی کو روزانہ پہننا لازمی نہیں لیکن اگر وردی کو اپنی پوشاک بنا لیں تو کوئی برائی نہیں۔ وردی اجتماع کے وقت پہننی لازمی ہے۔
21. ایک خاکسار بلا عذر معقول اپنی جماعت سے دوسری جماعت میں افسرِ بالا کی اجازت کے بغیر نہیں جا سکتا اس کو چاہئے کہ اس مطلب کی درخواست اپنے محلہ سالار کو دے۔
22. سالار محلہ کی توجہ ہر خاکسار کی قواعد کی حرکتوں اور اس کی اخلاقی بیماریوں کی طرف ذاتی ہونی چاہئے۔ خاکسار کی کسی ناروا حرکت کا ذمہ دار سالارِ محلہ ہے۔
23. خاکساروں کا سب سے نمایا اخلاق، کامل خاموشی اور بے چون و چرا اپنے محلہ کے سالار کی اطاعت ہے اس خاموشی اور فرمانبرداری سے خاکسار کو کسی وقت علیحدہ نہیں ہوتا چاہئے۔
24. خاکسار ہر وقت سالارِ محلہ کے احکام کے ماتحت ہے۔

خاکسار کا روزانہ عمل

01. ہر محلہ کی جماعت کا روزانہ عمل یہ ہے:- شام کے بعد مقررہ وقت یہ ہیں (یکم اپریل سے ۱۵ ستمبر تک ساڑھے ۸ بجے سے ساڑھے ۱۰ بجے،  ۱۶ ستمبر سے ۱۵ نومبر تک  ۸ بجے سے ۱۰ بجے تک ، ۱۶ نومبر سے ۳۰ مارچ تک ساڑھے ۷ بجے سے ساڑھے ۹ بجے تک) ہر خاکسار محلہ میں اپنے سالارِ محلہ کی مقرر کردہ  جگہ حاضر ہوگا۔
02. خاکسار کے روزانہ عمل میں تین چیزیں داخل ہیں اوّل سپاہیانہ قواعد، دوئم نماز عشاء ، سوئم خدمت خلق تینوں کام دو گھنٹہ میں ختم ہو جائیں۔
03. خدمت خلق حسب موقع و ضرورت سالارِ محلہ کی تجویز سے ہوگی لیکن سالاروں کو حکم ہے کہ خدمت کے موقع حتی الوسع کثرت سے پیدا کریں۔
04. نماز عشاء کے لئے ہر خاکسار کو گھر سے وضو کر کے آنا لازمی ہے غیر اقوام کے لئے یہ حکم نہیں ہے۔
جماعتِ محلہ کا ہفتہ وار عمل
01. جمعہ کو تعطیل ہے، اس روز سپاہیانہ قواعد نہ ہوگی، نہ خدمت خلق ہوگی لیکن خاکسار باہم مل کر نماز عشاء ادا کرسکتے  ہیں۔
02. ہفتہ کو اجتماعِ عام مختلف جگہوں پر ہوگا۔ جس کے متعلق تحریر یا زبانی حکم نامے سالارانِ محلہ کو ملیں گے۔ خاکسار کو اجازت نہیں کہ مقامِ اجتماع یا حکم نامے کے کسی حکم کے متعلق کسی سالار سے سوال کرے۔
03. ہفتہ میں کم از کم دو دن سالارِ محلہ اپنی مرضی سے محلہ کی جماعت کو دور کے محلہ کی جماعت کے ہاں ناگہاں لے جائے اور دو دو جماعتیں مل کر کام کریں اُس وقت اپنی سالاری دوسرے محلہ کے سالار کے سپرد کردے اور خود بطور خاکسار جماعت میں شامل ہوجائے۔
04. ہفتہ میں ایک دن سالارِ محلہ اپنی مرضی سے صرف چند منٹ قواعد کرا کر کسی علیحدہ مقام پر خاکساروں کا جلسہ کرے، اس جلسہ میں تحریک کے مقاصد کے متعلق مکمل تعلیم دی جائے، اسلامی تاریخ کے ولولہ انگیز حالات موجود ملکی حالات، اسلامی ممالک بشمول وطن عزیز کے خلاف بر سرے پیکار دشمنان اسلام کی شر انگیز سازشوں  آئیندہ  آنے والے مسائل اور خاکسار تحریک کے تناظر میں ان کے حل پر سیر حاصل گفتگو کرے اور قرآن کے حقائق کی عملی تعلیم دے اور خاکساروں کو موقع دیا جائے کہ وہ بھی اپنے اعمال اور خیالات کا اظہار کریں۔
05. ہفتہ کے باقی دو دن سالارِ محلہ اپنا روزانہ عمل پورا کرے ان دو دنوں میں سے کم از کم ایک دن لمبا مارچ کرے جو ڈیڑھ میل (تقریباً دو کلومیٹر) سے کم کا نہ ہو۔

اجتماعات

01. خاکساروں کے ہفتہ وار یا دوسرے اجتماعوں پر سالارِ محلہ کی اجازت کے بغیر غیر حاضری کرنا سخت جرم ہے جس کی پرستش خاکسار سے ہر طرح سے ہو سکتی ہے۔ ہر خاکسار کا اصول پابندی وقت ہے۔ سالار کو اجازت ہے اس موقع پر خاکسار کو مناسب سزا دے اور اگر جرم بار بار سر زد ہو تو ُاس کو جماعت سے نکال دے۔
02. ہفتہ کے سوا کسی اور دن بھی اجتماع ہو سکتا ہے۔
03. فوری اجتماعات کا کوئی وقت مقرر نہیں، افسر بالا اپنے سپاہیوں کو آزمانے کے لئے ہر وقت حتیٰ کے رات دو بجے بلا کر کوئی بھی حکم دے سکتا ہے۔
04. خاکسار کو دراصل ہر حکم کو ماننے کے لئے تیار رہنا چاہیے اور اشد شدید مصبیت کے لئے سینہ سپر ہونا اس کا اولین فرض ہے۔

محلہ کی جماعت کا نظام

01. سالارِ محلہ کو حکم ہے کہ محلہ کی جماعت میں ہر خاکساروں پر ایک تیسرا خاکسار بطور ناظم مقرر کرے۔
02. یہ ناظم اپنے خاکساروں کا افسر حاضری ہو گا اور ان کو ایک قطار میں کھڑا کر کے وقت پر روزانہ محلہ کی جماعت میں حاضر کریگا۔
03. ناظم کے حاضری کے حکم کی اطاعت ہر خاکسار پر لازم ہے لیکن ناظم بطورِ خود کسی کو رخصت نہیں دے سکتا۔
04. خاکساروں کو حکم ہے کہ اگر کسی خلق یا نیکی کے موقع پر بطور خود جائیں تو حتیٰ الوسع اپنے ناظم کے ساتھ جائیں، یا اگر خاکسار اکٹھے جائیں تو اپنا ایک ناظم مقرر کریں جو اس وقت سالاری کا کام بھی کرے۔
05. محلہ کی ایک جماعت کا صرف ایک سالار مقرر ہو گا دو سالار ایک محلے  میں مقرر نہیں ہو سکتے نہ کوئی نائب سالار محلہ مقرر کیا جا سکتا ہے۔
06. سالار محلہ کا حکم قطعی ہے کسی خاکسار کو اس میں چون و چرا کرنے کی گنجائش نہیں خواہ وہ حکم اس کے نزدیک غلط ہی کیوں نہ ہو۔
07. خاکسار اپنے سالار کے حکم کی شکایت اُسی سالار کو بذریعہ تحریر دے سکتا ہے۔ سالار محلہ کی مرضی ہے کہ اس کو اپنے افسر ان بالا تک پہنچائے یا نہ پہنچائے لیکن خاکسار کسی بالا افسر سے براہ راست شکایت نہیں کرسکتا۔
08. خاکسار کے تمام حقوق صرف سالارِ محلہ کی سفارش پر مل سکتے ہیں۔ افسرانِ بالا کے پاس کسی خاکسار کو حقوق مانگنے کے لئے جانے یا سفارش کرانے کی اجازت نہیں۔
09. سالارِ محلہ کسی خاکسار کو کسی قصور کے بدلے سزا دے سکتا ہے مثلاً  حاضری کے وقت زیادہ کرنا یا مشقت کرانا یا تاوان لگانا لیکن بد زبانی کی سالارِ محلہ کو  کسی صورت اجازت نہیں۔
10. سالار محلہ شدید بیماری کے سوا غیر حاضر نہیں ہوسکتا۔ اس روز کے لئے وہ اپنی جگہ جس خاکسار کو مناسب سمجھے اپنا قائم مقام مقرر کرسکتا ہے علی ہذالقیاس چار دن کے لئے مسلسل اپنا قائم مقام جس خاکسار کو سمجھے روزانہ مقرر کرے چار دن کے بعد اس کو فورا اپنے افسر بالا یعنی سر سالار کو  کو تحریری اطلاع دینی چاہئے اور اگر وہ خود سر سالار ہے تو اپنے سالار اعلیٰ کو اطلاع دے  کہ وہ بیمار ہے اس کی جگہ سالار محلہ کا تقرر کیا جائے۔

سر سالار

01. ہر تین جماعتوں پر ایک سر سالار اس علاقہ کی قریب کی جماعتوں کے سالاروں میں سے مقرر کیا جائے گا جو اپنی جماعت کے ساتھ ساتھ باقی دو جماعتوں کا نگران ہوگا۔
02. محلہ کے سالاروں کا فرض ہے کہ سرسالار کی مکمل اور غیر مشروط اطاعت کریں اور اپنی تمام عرضداشتیں افسرانِ بالا کے پاس سر سالار کی وساطت سے بھیجیں سر سالار کسی سالار محلہ کو بطور خود رخصت نہیں دے سکتا۔

سالار اعلیٰ

کم بیش ہر بارہ جماعتوں پر جو ایک علاقہ میں ہیں ایک سالار اعلیٰ مقرر ہوگا۔ تمام سر سالار اور سالارانِ محلہ اس کے حکم کے ماتحت کام کریں گے اور تمام سرسالاروں کی  تقرری یا ان کو موقوف کرنا یا رخصت دینا یا تبدیل کرنا اس کے اختیار میں ہوگا۔
سالار اکبر/سالار شہر
کسی بڑے علاقے میں جس کی آبادی پچاس ہزار سے زیادہ ہو ایک سالار اکبر مقرر کیا جائے گا جو اس علاقہ کے تمام سالاروں اور سالاران اعلیٰ کا افسر بالا ہوگا۔ سالار اکبر /سالارِ شہر سالارِ اعلیٰ کو رخصت دے سکتا ہے اور ان کی جگہ عارضی طور پر قائم مقام مقرر کرسکتا ہے لیکن سالارانِ اعلیٰ کی تقرری اور عُزل و نصب کا اختیار ادارہ  علیہّ ّ کے ہاتھ میں ہوگا سالارِ اکبر کسی علاقے میں بالعموم علیحدہ مقرر نہیں کیا جا سکتا جب تک کہ اس علاقے میں دویا دو  سے زیادہ سالارانِ اعلیٰ نہ ہوں۔

سالارانِ ادارہ

01. سر سالار اعلیٰ کے ماتحت اس کے علاقے کی نوعیت کو پیش نظر رکھ کر چند سالارانِ ادارہ مقرر کئے جائیں گے جو سالارانِ اعلیٰ کو انتظام میں مدد دیں گے۔ لیکن سر سالاروں کو حکما  اپنی طرف سے کچھ نہ کہہ سکیں گے الایہ کہ کسی فوری فساد کے رفع کرنے میں مدد دیں سالارِ اعلیٰ ان سے حرکت کے متعلق جو کام چاہ لے سکتا ہے لیکن ان کا اولین فرض روزانہ ہر جماعت میں جا کر حاضری کے رجسٹروں کی پڑتال اور بالخصوص اجتماعوں کے دنوں کی حاضری کی پڑتال ہے مختلف محلوں میں نئی جماعتوں کا افتتاح بھی انہی کے رسوخ سے ہونا چاہئے اعتراف ناموں، اطلاع ناموں، حکم ناموں کی تقسیم، کیمپوں کا انتظام، فوری حکم ناموں کا اجراء،   سالاروں کے ہفتہ وار اجلاس کا انتظام، سالاروں کی ذاتی خاطر تواضع کا انتظام وغیرہ وغیرہ تمام امور سالار ادارہ کے زمہ ہونگے۔ وہ خادمانہ حیثیت سے یہ کام سر انجام دے گے بلکہ ان فرائض کے ادا کرنے کے  اخراجات کے متحمل حتی ٰ الواسع خود ہوں گے۔
02. سالارِ اکبر اور دیگر افسرانِ بالا کے ماتحت بھی چند سالارِ ادارہ مقرر ہوں گے جو اسی حیثیت میں کام کریں گے۔
03. ہر سالار اعلیٰ کے ماتحت کم سے کم ایک سالارِ ادارہ ایسا ہونا چائیے جس کا فرض یہ ہو کہ سالارِ اعلیٰ کے تمام علاقہ میں کوئی بے قاعدگی نہ ہونے پائے ۔ اس کو خاکساروں کے دستورالعمل پر کامل طور پر حاوی ہونا چائیے اور جہاں کوئی بے قاعدگی ہو، اس کی اطلاع قصور کنندہ اور سالارِ اعلیٰ دونوں کو فورا دینی چایئے۔ یہ سالار گویا یا سالار محتسب ہوگا اور اس کو کا م ہر ایک شخص سے اس دستور العمل پر ہر وقت مکمل عمل کرانا ہوگا۔ سالارِ محتسب خفیہ طور پر بھی کام کر سکتے ہیں اور باقی سالارانِ ادارہ سے بھی اپنے کام میں مدد لے سکتے ہیں۔
04. سالار ادارہ کا رسمی درجہ سالار محلہ کے برابر پے لیکن حقوق کے اعتبار سے وہ پہلے سلا تیس خاکساروں ، دوسرے سال چالیس خاکساروں اور  علیٰ ہذالقیاس دس خاکساروں کی سالانہ ترقی کے حساب سے اتنے ہی خاکساروں کا سالار سمجھا جائے گا۔ اِلاّ یہ کہ سالارِ اعلیٰ یا سالارِ اکبر اس کے کام کو پیش نظر رکھ کر اس کو کسی بھی بڑے منصب کے برابر حقوق عطا کرنے کی سفارش کرے۔
05. سالاران ِ ادارہ کے وقت بھی حسبِ موقع کسی کام کے لئے روزانہ متعین کئے جا سکتے ہیں۔
06. تمام سالاروں کا فرض ہے کہ سالارِ ادارہ کو اپنے فرائض کے ادا کرنے میں ہمدردانہ مدد دیں۔

اعتراف نامے

01. تمام خاکساروں اور سالاروں سے ان کے کسی انتظامی قصور یا نظام کی خلاف ورزی یا اخلاقی گناہ کی پاداش میں اعتراف نامے لئے جائیں گے جو ان کی پرسنل فائل میں ان کے افسر بالا کے پاس درج رہیں گے۔ ہر ترقی کے وقت ان اعتراف ناموں کو مدِنظر رکھا جائے گا۔
02. اعتراف ناموں کے درجے ہوں گے اور قصور کی اہمیت کے مطابق ان کا وزن ہوگا۔ بالعموم وہ قصور زیادہ قابل تعزیر سمجھے جائیں گے جن میں نظام کی خلاف ورزی پے در پے ہوئی ہو۔ ہر خاکسار یا سالار اپنی مرضی کے مطابق  ادارہ علیہّ  کی  طرف سے مقرر کردہ  تاوان مرکزی بیتِ المال میں جمع کرا کے اعتراف ناموں کو اپنی پرسنل فائل سے نکلوا سکتا ہے ۔ اس کے لئے اس کو تحریری درخواست دینی چایئے اور اس کا اظہار کرنا چاہئے کہ وہ کونسا اعتراف نامہ پرسنل فائل سے نکلوانا چاہتا ہے۔  ادارہ علیہ ّ خود فیصلہ کریگا کہ اس اعتراف نام کو پرسنل فائل سے نکلوانے کے لئے کتنا تاوان ادا کرنا پڑے گا  ۔ یا  دوسری صورت میں درخواست بنا وجہ بتائے رد کرنے کا اختیار ادارہ علیہ ّ اپنے پاس محفوظ رکھتا ہے۔
03. اگر کوئی سالار یا سالار محلہ پے درپے اعتراف ناموں کے باوجود کسی قصور کی اصلاح نہ کرے تو افسرانِ بالا اس سے اعتراف نامے لینے کے علاوہ  حسبِ ذیل تاوان لگا سکتا ہے۔ اُن اعتراف ناموں پر جو پرسنل فائل میں موجود رہیں گے ’’الفاظ‘‘ تاوان۔۔۔۔۔۔ ادا کردہ لکھ دئیے جائیں گے۔ اور تاوان کی تمام رقم مرکزی بیت المال میں جمع ہوگی۔
خاکسار کا ادارہ علیہّ سے تعلق
تمام خاکسار سالارِ محلہ، سر سالار، سالار ِ اعلیٰ یا تمام افسران ِ بالا ادارہ علیہّ کے چوبیس گھنٹے کے بلا مزدور عذر تابع ہوں گے۔

بیلچے کا غلط استعمال

ادارہ علیہّ کی نگاہ میں بیلچہ کے خلاف ِ قانون استعمال کا ذمہ دار سالار محلہ ہے اور جس خاکسار نے بیلچہ کا غلط استعمال کیا وہ جماعت سے نکال دیا جائے گا۔

محلہ کا سالار

01. محلہ کا سالارِ بالعموم اس شرط پر مقرر کیا جاتا ہے کہ وہ اس محلہ کی سالاری ہمیشہ کے لئے کریگا۔ اس اس سے کوئی استعفیٰ اس کی اپنی مرضی سے نہیں لیا جاسکتا۔ البتہ کسی شدید جرم یا نام کی خلاف ورزی کے بدلے اس کو برطرف کیا جا سکتا ہے، یا اس کی عمدہ کارگذاری کے صلے میں اس کو اعلیٰ عہدوں پر ترقی دی جاسکتی ہے، یا انتقال ِ مقام کی وجہ سے اس کو تبدیل یا مجبوراً علیحدہ کیا جا سکتا ہے۔
02. محلہ کے سالار کے لئے اپنے محلّہ میں اپنے حسنِ عمل اور تدابیر سے اس امر کی سعی کرنی لازم ہے کہ رفتہ رفتہ اس کو رسوخ تمام محلہ پر حاوی ہوجائے، وہ اس محلہ کے تمام تنازعات کو حتیٰ الواسع خود طے کرے، نماز اور اخلاقِ حسنہ کی ترویج کرے ۔ نماز عشاء کے وقت اپنی جماعت کی امامت آپ کرے سب سے پہلے خاکساروں کو لازما اپنے والدین کی واجب اطاعت کرنا سکھلائے   اصلاح رسوم کرے ، شادی اور غمی کے اخراجات کو خاکساروں اور اہل خانہ میں کم کرائے، کسی جھگڑے کو فیصلے کے لئے اپنے دائرے اثر سے باہر نہ جانے دے، قرضداری اور سود کا لینا دینا کم یا بند کرائے۔ لوگوں کو کفالت کے طریقے سکھلائے۔ اہل محلہ کے مسائل کو سمجھ کر ان کے حل کی تدبیریں وضع کرے۔ تھانے پولیس میں پھنسے بےگناہ افراد کی بلا معاوضہ مدد کرے۔ محلے کی بیمار وں کی مزاج پرسی اور ان کی تیمار داری کرے  ، محلے میں موجود یتیموں اور بیواؤں سے خاص طور پر ہمدردی برتے  ان کے مسائل کے حل کے لئے پیش پیش رہے ، محلہ میں ملک دشمن،  سماج دشمن عناصر پر خاص نظررکھے اور اپنی جماعت کی مدد سے اُن کی کسی سازش کو پنپنے نہ دے ۔  محلہ کی شادی اور خاص طور پر غمی کے موقع پر خاکساروں کو بلا معاوضہ  خدمت کے لئے بھیجے، لوگوں میں ترکِ لذات اور ترک شہوات کی خصلتیں پیدا کرے، الغرض وہ صحیح معنوں میں اس محلہ کا امیر ہو اور عام مسلمان اس کی دیانت داری، خلوص، حبِ دین اور نیکو کاری کے قائل ہوں،
03. سالار ِ محلہ کا فرض ہے کہ حکما اپنے تمام خاکساروں کو اس امر کی ترغیب دے کہ وہ تمام اشیاء صرف خاکساروں کی دکانوں سے خریدیں اس مطلب کے لئے ہر خاکسار دکاندار یا پیشہ ور پر لازم ہے کہ اپنا بیلچہ کسی ایسی نمایا جگہ لٹکائے جہاں سے عام لوگ اس کو دیکھ سکیں اور بعد ازاں اگر کوئی کسی محلہ کا خاکسار کیس شے کو کسی غیر خاکسار سے خریدتا دیکھے تو ترغیب دینے کے  اس کے اپنے محلہ کے سالار کو فورا اطلاع دے۔ سالار محلہ کا فرض ہے کہ وہ چھ گھنٹہ کے اندر اندر اس امر کی اطلاع اس خاکسار کے سالار کو پہنچا دے یا اگر وہ خود اس خاکسار کا سالار ہے تو اس کو مناسب سزا دے اگر اس دکان پر بیلچہ نمایا ں طور پر نہیں لٹکتا یا اس شے کو بیچنے والا کوئی خاکسار دکاندار نزدیک موجود نہیں تو اس صورت میں سالار کو سزا نہیں دینی چائیے۔

سالاروں کی رسمی تعظیم

01. ہر خاکسار اور سالار کا فرض ہے کہ اپنے بالا افسر کو تعظیم بذریعہ فوجی سلام کرے۔
02. اگر دونوں افسر برابر کے پائے کے نہیں تو چھوٹے درجے والا اپنے افسر سے ڈیڑھ گز کے فاصلے پر مارچ کر کے ’’ باش‘‘ کرے اور پھر بغیر مصافحہ کرنے کے فوجی سلام ہاتھ کو ماتھے پر زور سے لے کر اور پھر دھیمی آواز سے سلام کے بعد ’’ السّلام علیکم‘‘ زبان سے کہے۔
03. اگر دونوں شخص برابر کے رتبے کے ہیں تو دونوں ایک گز کے فاصلے تک مارچ کر کے ’’باش‘‘ کریں اور فوجی سلام کے بعد مصافحہ کریں اور ’’السّلام علیکم‘‘ بھی منہ سے کہیں۔
04. اگر کوئی شخص اپنی دکان پر کسی فرض میں مصروف ہے تو صرف کھڑا ہو کر ’’باش‘‘ کرے اور وہیں سے سلام فوجی سلام کرے اور ’’السّلام علیکم‘‘ کہے۔
05. خاکسار بھی جب خاکسار سے ملے تو اسی طرح فوجی سلام کرے۔
خاکساروں کا نشان
خاکساروں اور سالاروں کو عوام سے تمیز کرنے کے لئے ان کے کوٹ یا قمیض پر دائیں سائیڈ پر اُخوت کا نشان لگانا چاہئے جو ادارہ علیہّ سے مقرر کردہ قیمت پر دستیاب ہے۔
یہ نشان سب کے لئے یکساں ہوگا۔

معاون خاکسار

معاون وہ کلمہ گو مسلمان ہے جو باوجود فرصت  کے خاکساروں کے روانہ عمل میں کسی خاص وجہ سے جو قابل تسلیم ہو شامل نہ ہوتا ہو لیکن تحریک کو عملی امداد  خار جی طور پر دینے کے لئے ہر وقت تیار ہو سالار ِ محلہ کا فرض ہے کہ  مجاہد خاکساروں کی نفری بڑھانے کے ساتھ ساتھ  تحریک کے لئے معاون خاکسار کی تعداد میں بھی اضافہ کرے اور اپنے محلہ کے صاحب حیثیت افراد سے مل کر ان کو تحریک کے بارے میں اگاہی دے خاص طور پر اپنے محلہ کے میں خدمت خلق کے حوالے سے ان کو آگاہ کرے اور محلے کے فلاح و بہبود کے لئے ان کو عقسائے اور ساتھ ساتھ تحریک کی ملک گیر خدمات کو اجاگر کر کے  تحریک کا معاون بنائے تاکہ تحریک اصلاح معاشرے کے کام میں بڑھ چڑھ کر اپنی خدمات سر انجام دے سکے۔

معاونین کے فرائض

01. سالار محلہ یا افسر ِ بالا کے حکم سے ہر فوری اجتماع پر معاون کی حاضری لازمی ہے۔
02. امداد کے موقع پر علاقہ کے سالار اعلیٰ کے حکم پر ہر ممکن امداد کرنا معاون پر فرض ہو جاتا ہے ۔
03. معاون کو علاقہ کے سالار اعلیٰ کے احکام کی اطاعت کے لئے ہر وقت  تیار رہنا چائیے۔

خاکسارتحریک کے محلہ وار نظام کے تحت عسکری قواعد کو سمجھنے کے لئے نیچے لنک پر کلک کریں۔

عسکری قواعد کو پڑھنے اور سمجھنے کے لئے یہاں کلک کریں۔

Read more ...

خاکسارتحریک میں بطور خاکسار شمولیت اختیار کرنے کا فارم


خاکسارتحریک میں بطور خاکسار شمولیت اختیار کرنے کے لئے درج ذیل لنک سے فارم ڈاؤن لوڈ کریں اور فارم کو پُر کرکے درج ذیل پتہ پر خاکسارتحریک کے مرکزی دفتر واقع اچھرہ لاہور کے پتہ پر ارسال کردیں۔
فارم ارسال کرنے کا پتہ؛
ادارہ علیہ خاکسارتحریک۔
۳۴ ۔ ذیلدار روڈ - اچھرہ ۔
لاہور -۵۴۶۰۰
پاکستان۔
Read more ...

Monday, September 22, 2014

محلہ وار نظام کے تحت خاکسارتحریک کے عسکری قواعد

سالار کو ہدایت ہے کہ ان احکام میں جو حصّہ حکم کا موٹے فونٹ سے لکھا گیا ہے، وہ رعب اور زور سے دیا جائے، باقی حصّہ دھیمی آواز سے ہو۔ حکم اس طرح زور سے دئیے جائیں کہ عام لوگوں کو سمجھ نہ آئے کہ کیا حکم مل رہا ہے۔

سیدھا صف

  سف خود بخود سیدھی ہو جائے اپنے دائیں کے سپاہیوں کے سینوں کو دیکھ کر صف سیدھی کی جائے ۔ تمام سپاہی قد کے لحاظ سے کھڑے ہوں۔ بڑے قد کے سپاہی بائیں طرف ہوں۔ اس حالت میں دونوں پاؤں میں قریباً ایک فٹ کا فاصلہ ہو، بیلچہ زمین پر دائیں ہاتھ میں لٹکا ہو ، دایاں ہاتھ قطار سے باہر نکلا ہوا ہو، بایاں ہاتھ ڈھیلا وہ، تمام بد ن بھی ڈھیلاہو۔

بآرام

یہ اوپرکی حالت بآرام کی حالت ہے۔

تن آسان

 بآرام کی حالت اور اس کی حالت میں صرف یہ فرق ہے کہ اس حکم پر بایاں ہاتھ کمر پر آجائے اور بدن ڈھیلا ہی رہے ۔

ہشیار

 بایاں پاؤں دائیں پاؤں کے ساتھ آواز سے مل جائے۔ بایاں ہاتھ جو تن آسان کی حالت میں کمر پر تھا اب سیدھا   ہوجائے دایاں بیلچے والا ہاتھ جو پہلے قطار سے باہر نکلا ہوا تھا اب قطار میں آکر بیلچہ سیدھا ہوجائے چھاتی اکڑ جائے نظریں سامنے ہوں ایڑیاں مل جائیں یہ سب حرکتیں ایک ہی وقت میں ادا ہونی چاہئیں۔

تیار

 تمام جماعت اگلا حکم سننے کے لئے متوجہ ہوجائے۔

حذرگیر

صرف ’’گی ‘‘کی آواز زور سے سنائی دے حذر کا لفظ دھیما بولاجائے، نیچے جھک کر بایاں ہاتھ زور سے بیلچہ کے دستے پر مارا جائے، پھر بیلچہ دونوں ہاتھوں سے اٹھا کر اپنے قریب سے بائیں مونڈے پر ٹکایا جائے، پھر دایاں ہاتھ بائیں ہاتھ کے ساتھ بیلچے کی مٹھی پر آکر مل جائے پھر دایاں ہاتھ جھٹکے سے اپنی پہلی جگہ پر آجائے، سینہ ابھرا ہوا ہے۔

دائیں مڑو

 صف مڑکی  آواز زور سے سنائی دے، دائیں کا لفظ دھیما بولا جائے، دائیں پاؤں کی ایڑی اور بائیں پاؤں کے اگلے حصے پر گھوما جائے، اور صرف چوتھا حصہ کا چکر لگایا جائے پھر جب دونوں پاؤں علیحدہ ہو جائیں تو بائیں پاؤں کا اٹھا کر دائیں پاؤں سے ملا یا جائے۔

بائیں مڑو

 دائیں پاؤں کی جگہ بائیں پاؤں پر مڑو اور ویسا ہی عمل کرو جو دائیں مڑو میں کیاتھا۔

پیچھے مڑو

 اپنی بائیں طرف سے (دائیں طرف سے نہیں ) چوتھا حصہ چکر کی بجائے آدھا چکر اسی قاعدے سے مڑ جاؤ جو آٹھویں حکم ’’ بائیں مڑو‘‘ میں کیا تھا۔

حذر ٹیک

 صرف ’’ٹے ‘‘کی آواز زور سے سنائی دے پہلے دائیں ہاتھ کو زور سے بیلچے کے دستے پر جو بائیں ہاتھ میں کندھے پر حذر گیر کی حالت میں ہے  چٹخا کر مارا جائے پھر دونوں ہاتھوں سے اسی طرح بیلچے کو دائیں پاؤں کے پاس جھک کر لایا جائے، پھر اسی طرح جھکے جھکے دائیں ہاتھ کو بائیں ہاتھ کے پاس دستے پر لایا جائے پھر ہاتھ کو سیدھے ہو کر جھٹکے سے چھوڑ دیا جائے۔ یہ چاروں حرکتیں نہایت چستی سے کی جائیں ۔  بیلچہ آخری  تینوں حالتوں میں دائیں پاؤں کی نوک کے قریب تین انچ کے فاصلے پر ہو۔

حذر نِہ

حذر ٹیک کی حالت میں بیلچے کو ذرا سا اٹھا کر زمین پر اپنے دائیں پاؤں کے آگے ۳ انچ کے فاصلے پر الٹا رکھ دو۔

بردار حذر

 اپنے دہنے کندھے پر مونڈھے کے سہارے سے بیلچہ کا پھل رکھ دو اس طرح کہ پھل کی دھار اوپر کی طرف ہو۔ دائیں ہاتھ سے بیلچے کے دستے کو درمیان سے پکڑو چھاتی ابھری ہوئی ہو نظریں سامنے ہوں تمام بدن حسبِ معمول چست نظر  آئے۔

آویز حذر

 اس کو ’’ویز حذر‘‘ کی طرح بولنا چاہیے دائیں ہاتھ میں کندھے سے بیلچہ پکڑ کر لٹکاؤ بیلچہ کا منہ اندر کی طرف ہو، بائیں ہاتھ کو سیدھا کرلو بیلچہ کے دستہ کو دائیں ہاتھ سے ایسی جگہ سے پکڑ لو کہ تمام بیلچہ تُل جائے اور سیدھا رہے۔

بدلو حذر

 دائیں سے بائیں یا بائیں سے دائیں ہاتھ میں بیلچہ بدلو ۔ دونوں حالتوں میں بیلچہ کا منہ اندر کی طرف ہو۔

وقت شمار

 اپنی قطار میں کھڑے کھڑے پہلے دائیں پاؤں کو اٹھا کر زمین پر مارو پھر بائیں کو اور اسی طرح چپ راست کے الفاظ پر مارتے جاؤ۔

بی نشین

 بیلچے کو حذر ٹیک کی حالت میں رکھ کر یہ حکم دینا چائیے ، بیلچے کو اپنے دائیں پاؤں کے ساتھ ٹیک کر اسی کے سہارے اپنے دونوں پاؤں کے اگلے حصوں پر بیٹھ جاؤ۔

برخیز

 کھڑے ہو کر ہوشیار کی حالت میں ہوجاؤ۔

تیز خرام

( یہ مارچ کا حکم  مارچ کے حکم کے بدلے ہے)۔ جس وقت ’’رام‘‘ کا لفظ سالار کے منہ سے نکلے اسی وقت اپنے دائیں پاؤں کو زور سے زمین پر مارکر بایاں قدم آگے  کردو اور تیز چل پڑو ۔ خالی ہاتھ کو آگے پیچھے زور سے ہلاتے جاؤ ۔ جب سالار چپ کہے تمہارا بایاں پاؤں آگے ہو جب راست کہے تمہارا دایاں قدم آگے ہو۔ (چپ یعنی پنجابی میں کھبے اور راست دایاںسجے کو کہتے ہیں)

نرم خرام

اسی طرح جس طرح اور بیان ہوا۔ چلو لیکن آہستہ۔

تیز دُو

 (یہ حکم صرف اسی وقت دیا جاتا ہے جب ’’آویز حذر‘‘ کے حکم پر بیلچہ دائیں یا بائیں ہاتھ میں لٹکتا ہو دونوں ہاتھوں کو سینے تک لے جاؤ اور قدم ملاِ کر دوڑ و قدم برابر ملتے ہوں اور چپ راست کی آواز کے مطابق ہوں۔

کوتاہ قدم

 چلتے چلتے جب یہ حکم ملے تو چھوٹے چھوٹے قدم چلنے لگو اور اپنے قدموں کو زمین پر آواز سے مارو۔

جیش باش

( ان لفظوں میں’’ جیش‘‘ کا لفظ عین اس وقت منہ سے نکلے جب کہ سپاہی کا بایاں قدم آگے اور دایاں قدم پیچھے ہو)  تمام جماعت چلتے چلتے   اپنا  دایاں قدم زور سے بائیں کے ساتھ ملا کر ٹھہرجائے۔

دائیں پھرو

 (منہ سے صرف ’’پھر‘‘ کا لفظ زور سے نکلنا چاہیے اور صرف چلتے چلتے یہ حکم ملنا چاہیے ) قطار کا اگلا آدمی یا ان کے آدمی دائیں طرف پھر جائیں اور سب آدمی اس کے پیچھے پیچھے چلتے جائیں۔
بائیں  پھرو:- اس میں بائیں طرف پھرنا ہے۔

اِسلم

 (صرف’’لم‘‘ کا لفظ منہ سے بزور نکلنا چائیے )  اپنے دائیں ہاتھ کو سینہ کے برابر بیلچے کے دستے تک لے آؤ اور تین انگلیوں کو مضبوطی سے دستے پر چٹخاؤ یہاں تک چٹخانے کی آواز خوب نکلے۔

بدستور

 اس حکم پر پھر اپنا ہاتھ نیچے لے جاؤ (یہ حکم ہر پہلی حالت پر لانے کے لئے بولا جاتا ہے مثلاً  ’’بائیں مڑو‘‘ اس کے بعد ’’بدستور‘‘ ، ’’حذر گیر‘‘ اس کے بعد ’’بدستور‘‘ وغیرہ وغیرہ

نمبر شمار

 اس مدّ میں مختلف احکام ہیں جو حسب ضرورت کہے جا سکتے ہیں مثلاً۔ 
۱۔ دائی طرف سے نمبر شمار شروع کرو۔
۲۔ بائیں طرف سے نمبر شمار شروع کرو۔
۳۔ دائیں طرف سے نمبر شمار دو تک شروع کرو۔
۴۔ دائیں طرف سے نمبر شمار تین تک شروع کرو۔ وغیرہ وغیرہ۔
اس حکم کا عمل ظاہر ہے جس طرف سے نمبر شمار کرنا ہو اس طرف سے ہر خاکسار سپاہی زور سے اپنا نمبر ایک دو زور سے کہتا جائے اور کہتے وقت اپنا منہ زور سے پھیر کر دوسرے ساتھی تک نمبر پہنچاتا جائے۔

دو قطار

اس حکم پر دو نمبر والا خودبخو ایک نمبر کے پیچھے چلا جاتا ہے دو نمبر والے کو اسی طرف جانا ہے جس طرف سے کہ نمبر شروع ہوا ہے۔
 اسی طرح مارچ کرتے کرتے ’’دو قطار ‘‘ حکم مل سکتا ہے اس حالت میں سب سے اگلا سپاہی فوراً وقت شمار کرنا شروع کر دیتا ہے اور باقی سب وقت شمار کرتے کرتے دو دو قطار بن جاتے ہیں۔

چارقطار

اسی طرح چار سپاہیوں کی قطار بھی وقت شمار کر کے آہستہ آہستہ بناؤ۔

برخاست

 (صرف’’ خاس‘‘ کا لفظ منہ سے نکلے) خواہ کسی طرف کھڑے ہو پہلے سالار کی طرف مڑکر پہلے ’’سلام‘‘ کرو پھر ایک دو تین دل میں کہہ کر سلام کا ہاتھ نیچے کرو پھر ایک قدم پیچھے ہٹو اور بکھر جاؤ۔

دراز شو

 (لیٹ جاؤ) اس حکم میں کئی عمل شامل ہیں 
۱۔۔پہلے خود بخود آویز حذر کر کے دونوں ہاتھ پھیلائے جائیں اور سب سپاہی جلد جلد بائیں آگے اور پیچھے باری باری دو طرف مڑکر بقدردو دو ہاتھ پھیل جائیں۔ چوتھ حالت میں پھر تمام سپاہی پھیلنے کےبعد دوسری حالت کی طرح منہ سامنے کردیں۔
۲۔ پھر دونوں ہاتھوں کو نیچا  کرد یا جائے اور نماز کے التحیات والے سجدہ کی طرح دونوں گھٹنوں کو زمین پر ٹیکا جائے۔
۳۔ پھر بائیں خالی ہاتھ کو اور دائیں بیلچہ والے ہاتھ کو یکدم زمین پر گرا کر بیٹھا جائے بائیں کہنی سے سہارا لے کر دائیں ہاتھ سے بیلچہ کے منہ کے آگے کرد یا جائے اور بیلچے کا دستہ دائیں طرف ہو۔
۴۔ پھر بائیں کہنی کو آزاد  کر کے منہ کو بیلچے کی آڑ میں چھپا لیا جائے۔ یہ سب عمل صرف ’’دراز شو‘‘ کے کہنے پر خود بخود ہر سپاہی سے ہوجائیں۔
ہفتہ کے ہر اجتماع عام میں جس میں تمام علاقہ کی جماعتیں اکٹھی ہوتی ہیں اکثر یہ امر لازم ہو جاتا ہے کہ تمام سپاہیوں کی کمان ایک سالارِ اوّل کے سپرد کر دی جائے۔ اس وقت کمان سپرد کرنے کا طریقہ حسب ذیل ہے پہلے پورا بگل بگلر جو سالار اوّل کے دائیں طرف اس کے ذرا پیچھے کھڑا ہوتا ہے بجاتا ہے پھر سالارِ اول کے ہاتھ کے اشارے سے چھوٹا بگل یعنی صرف دو آوازیں بگل کی تُو تُو بجتا ہے اور سب سالار آکر سالار اوّل کے کرد دو گز دور دائرہ بنا لیتے ہیں۔ جوں جوں سالار دائرہ کے اندر آتا ہے وہ سالار اوّل کو فوجی سلام کرتا ہے جس کا جواب سالار اوّل دیتا ہے جب سب سالار آچکتے ہیں تو سالار اوّل کی دائیں طرف کا سالار ایک گز آگے بڑھ کر ’’باش‘‘ کرتا ہے اور اپنا ہاتھ سالارِ اوّل کے ہاتھ میں دیکر یہ لفظ دھیمی آواز میں کہتا ہے ’’میں اپنی کمان جناب والا کے سپرد کرتا ہوں‘‘ سالار اوّل اس کے جواب میں کہتا ہے ’’نوازش‘‘ پھر وہ سالار ایک قدم پیچھے ہٹ کر قطار میں شامل ہو جاتا ہے اِسی طرح باری باری سب سالار کمان دیتے ہیں۔ جب کمان دینا ختم ہو جاتا ہے تو سالار اوّل خود سلام کرتا ہے جس پر تمام سالار، سلام کا جواب دیکر باقاعدہ پیچھے مڑتے ہی اور اپنی جماعت میں بطور خاکسار شامل ہو جاتے ہیں۔ اب گویا تمام فوج کا صرف ایک سالار رہ گیا وہ جس طرح چاہے اس کی کمان کرے ۔
یہی طریقہ اپنی کمان سالارِ اوّل سے واپس لینے کا ہے فرق یہ ہے کہ اس میں سالار اوّل یہ الفاظ کہتا ہے۔ ’’میں آپ کو کمان واپس کرتا ہوں‘‘ اور اب ہر سالار ’’نوازش‘‘ کا لفظ جواب میں کہتا ہے۔
جب سب جماعتیں ہفتہ کے یا کسی اور اجتماع کے دن اکٹھی ہوتی ہیں تو سالار اوّل انکو چار چار یا تین تین کی قطار میں جمع کر کے مارچ کراتا ہے، مارچ کرانے کے بعد جب ارادہ ہو کہ سب جماعتوں کو علیحدہ علیحدہ کر کے اپنے پانے گھر واپس کر دیا  جائے تو طریقہ حسب ذیل ہے۔
سالار اوّل کسی کھلے مقام پر کھڑا ہو جاتا ہے اور اپنے بگلر کو حکم دیتا ہے کہ پہلے پورا بگل بجائے، اس کے بعد اس کے اشارے سے چھوٹا بگل بجتا ہے اور بگل بجتے ہی سالار اوّل بلند آواز سے کہتا ہے مثلاً  ’’ محلہ کرم داد کی جماعت‘‘ اِس آواز پر فوراً اُس جماعت کے تمام سپاہی ایک قطار میں چل پڑتے ہیں۔ ان کا سالار سے آگے ہوتا ہے اور وہ عین سالارِ اوّل کے سامنے اس سے دو گز کے فاصلے پر آکر کھڑے ہو جاتے ہیں پھر سالارِ اوّل اپنی جگہ سے ذرا پرے ہٹ کر چھوٹی بگل بجوا تا ہے اور دوسرے جماعت کا نام لیتا ہے اور دوسری جماعت آجاتی ہے وغیرہ اب سالار اوّل تمام سالاروں کے درمیاں میں آجاتا ہے اور سب سالاروں کو اپنی کمان اس دفعہ شق 34کے مطابق واپس کر دیتا ہے اور خود ایک طرف سب جماعتوں کا سلام لینے کے لئے کھڑا ہو جاتا ہے۔ بعد ازاں ایک ایک کر کے تمام جماعتیں اپنے سالاروں کی سرکردگی میں گھروں کو چلی جاتی ہیں۔
ہر جماعت کے پاس بالعموم ایک بگل ہوتی ہے جو خاکساروں کو مقرر وقت پر جمع کرنے میں مفید ہوتی ہے(اگر بگل نہ ہو تو اچھی کوالٹی کی سیٹی بھی بگل کی جگہ استعمال ہو سکتی ہے)۔ سالاروں کو فوری اجتماع کے لئے ایک نہایت زور دار سیٹی رکھنی چائیے بعض جماعتیں قدم کو عمدہ طور پر ملا نے کے منہ کا باجا بھی رکھتی ہیں لیکن یہ ضروری نہیں۔خاکساروں کو اپنے بیلچے اور وردیاں اپنے گھروں میں لے جانی چاہئیں تاکہ مستورات کے ہاں بھی اس حرکت کی تبلیغ ہو۔ بیلچوں کو کسی خاص جگہ جمع کرنے کی ممانعت ہے۔ تحریک کا دفتر علاقے کے سالار کا ذاتی مکان ہے۔ 

Read more ...

Tuesday, March 18, 2014

خاکسار تحریک اور اختیارِ ناطق - بانیِ تحریک حضرت علامہ علامہ عنایت اللہ خان المشرقیؒ

خاکسار تحریک کی بنا اول اور آخر تک ہر جگہ اختیار ناطق پر ہے۔ جمہوریت، اکثریت یا انتخاب پر کسی جگہ نہیں۔ محلہ کا سالار اُس محلہ کا ڈکٹیٹر اس لئے ہے کہ اس سے محلہ میں اصلاح اور انقلاب پیدا کرانے کی توقع ہے، نری انجمن سازی کی توقع نہیں۔ اس بنا پر اس کو محلہ کے خاکسار سپاہی منتخب نہیں کرتے۔ وہ ادارہ علیہّ کی طرف سے مقرر ہوتا ہے اور محلہ کے تمام خاکسار باہمی اتّفاق اور اتحاد کر کے بھی اس کو اپنی جگہ سے ہٹا نہیں سکتے۔ بلکہ بعض دفعہ ایسا ہوا ہے کہ ایک محلہ کی جماعت اپنے سالار کی مفروضہ سختی سے بگڑ کر اس امر کے درپے ہوئی کہ اپنے منتخب شدہ آدمی کو سالاری کے لئے پیش کرے۔ اِس درخواست کو ہمیشہ ردّ کیا گیا ہے اور سالار کو موقوف کرنے کے بجائے اُس جماعت کو توڑ دینا بہتر سمجھا گیا ہے۔ اس فیصلے کا نتیجہ ہمیشہ یہ ہوا ہے کہ محلہ کی جماعت بالاآخر اپنی کمزوری تسلیم کرنے کے بعد اُسی مقرر کردہ سالار کے ماتحت پورے جوش سے کام کرتی گئی ہے اور کامل اطاعت کا نمونہ بن گئی ہے۔ انتخاب زور آور قوم کا حق ہو سکتا ہے لیکن کمزور قوم کا انتخاب کا حق دینا اس کے شیطانی جذبات کو بھڑکانا ہے، گری ہوئی قوم کو عروج دینے کا بہترین طریقہ یہ ہے کہ اُس قوم کے افراد کی خود رائی کو، جو زوال کا لازمی نتیجہ بلکہ لازمی باعث ہوا کرتی ہے، فنا کر دیا جائے کسی شخص کی ذاتی رائے نہ رہے۔ یہ احساس نہ رہے کہ ہر شخص اپنی ذاتی رائے سے جماعت کو درہم برہم کر سکتا ہے ۔ کمزور قوم میں کمزوری دراصل اس لئے ہے کہ اس میں ہر شخص صرف اپنا زور پیدا کرنا چاہتا ہے، ہر شخص پیر اور مرشد ہے۔ ذاتی رائے کو فنا کر دینے سے امن پیدا ہوگا اور امن کے بعد لامحالا نظام پیدا ہوگا، طوائف الملوکی سے نظام ہرگز پیدا نہیں ہوسکتا۔ سالاران محلہ کی تمام افسران بالا بھی علےٰ ہذالقیاس اپنی اپنی جگہوں پر مختار ناطق ہیں۔ وہ اپنے اپنے علاقہ کی ذمہ داری کو محسوس کرتے ہیں۔ ادارہ علیہّ کی طرف سے ان کو گرفت ہوتی ہے۔ سزا دی جاتی ہے، انعام دئیے جاتے ہیں لیکن روایاناروا حکم کو جو ہو ایک دفعہ دیں واپس اس لئے نہیں لیا جاتا کہ جمہور میں ان کی ڈکٹیٹر شپ برقرار رہے۔ اگر کوئی سالار پے درپے اپنی ذمہ داری کو محسوس نہیں کرتا تو اس کو سزا یہ ہے کہ اس کو تبدیل کر دیا جائے یا خاکسار بنا کر سپاہیوں کی قطار میں شامل کر دیا جائے۔
سالار کو حکم ہے کہ کوئی بڑی تجویز رائج کرنے سے پہلے اپنے ماتحتوں سے مشورہ لیں۔ تجویز کردہ اصلاح سے پہلے جمہور کے متعلق میلان دریافت کریں، پھر اس کے بعد اپنی ذمہ داری پر جو حکم مناسب سمجھیں نافذ کریں۔ وہ ادارہ کے سامنے جواب دہ ہیں لیکن ان کو حکم نافذ کرنے اور نافذ کرنے کے بعد منوانے کا پورا اختیار رہے یہی اسلامی ’’شُوریٰ‘‘ ہے اور یہی انگریزی لفظ کونسل کے اصلی معنیٰ ہیں۔ یہ شوریٰ خاکسار تحریک میں اوّل سے آخر تک ہے۔
علامہ عنایت اللہ خان المشرقی۔
قولِ فیصل سے ماخوذ
صفحہ نمبر : ۸۶ تا ۸۷

Read more ...
Designed By Blogger Templates